H.E. Ling Rinpoche Teaches Eight Verses of Thought Transformation and Bestows Buddha Amitayus Long Life Initiation at Dhondenling Tibetan Settlement
࿑ ཕྱི་ལོ། ༢༠༢༥ ཟླ། ༢ ཚེས། ༡༥ ཉིན་༸སྐྱབས་རྗེ་ཡོངས་འཛིན་གླིང་མཆོག་སྤྲུལ་རིན་པོ་ཆེ་མཆོག་ལ་ཀོ་ལི་གྷལ་དོན་ལྡན་གླིང་གཞིས་ཆགས་ལས་ཁུངས་དང་། ཏྲེ་ཧོར་དར་རྒྱས་དགོན་པ་ཐུན་མོང་ནས་ཇི་ལྟར་གསོལ་འདེབས་ཞུ་དོན་ལྟར་ཀོ་ལི་གྷལ་དོན་ལྡན་གླིང་ས་གནས་ཚོགས་ཁང་ཆེན་མོའི་ནང་དུ་བཀའ་གདམས་དགེ་བཤེས་གླང་རི་ཐང་པ་རྡོ་རྗེ་སེངྒེའི་གསུང་བློ་སྦྱོང་ཚིགས་བརྒྱད་མའི་བཀའ་ཆོས་དང་། ཚེ་དཔག་མེད་མ་ཅིག་གྲུབ་པའི་རྒྱལ་མོའི་ལུགས་ཀྱི་ཚེ་དབང་བཅས་བཀའ་དྲིན་ཆེ་སྩལ་དང་འཇུག་ཏུ་བཀའ་སློབ་སྩལ་དོན། ང་རང་ཚོ་རང་དབང་ལུང་པའི་ནང་ལ་སོ་སོའི་ཆོས་དང་རིགས་གཞུང་སྐད་ཡིག་མི་ཉམས་རྒྱུན་འཛིན་བྱེད་ཡག་གི་གོ་སྐབས་ཚད་ཐོན་པོ་ཡོད་ཅིང་། རང་ཡུལ་གངས་ཅན་བོད་ནང་དེ་འདྲའི་གོ་སྐབས་མེད་ཀྱང་། རང་རིགས་སྤུན་ཟླ་ཚོས་མི་རིགས་ལ་བཅངས་པའི་ལ་རྒྱ་དང་། ལྷག་བསམ་འགྲན་དུ་མེད་པ་ཞིག་རེད་ཁོང་ཚོས་ཞི་རྒོལ་གྱི་འབོད་སྒྲ་ནི་བོད་ལ་རང་དབང་དགོས། ༸རྒྱལ་བ་རིན་པོ་ཆེ་བོད་ལ་གདན་ཞུ་བྱེད་དགོས”དེ་དངོས་གནས་རླབས་ཆེན་པོ་རེད་ང་རང་ཚོ་གཙན་བྱོལ་ལ་ཡོད་པའི་བོད་མི་ཚོས་༸རྒྱལ་བ་རིན་པོ་ཆེས་སྔ་ཕྱི་བར་གསུམ་དུ་བཀའ་སློབ་ཕེབས་པ་རྣམས་སེམས་ལ་ངེས་པའི་ཐོག་ནས་ཁོང་ཚོའི་འགྲིན་ཚབ་པ་བྱེད་ཐུབ་དགོས་ཅེས་བཀའ་སྩལ། །
H.E. Ling Rinpoche gave a teaching on the Eight Verses of Thought Transformation and bestowed the Buddha Amitayus Long Life Initiation (Tsewang) at Dhondenling Tibetan Settlement in Kollegal. The event was organized by Dhondenling Settlement and Tehor Dhargye Monastery.
