H.E. Ling Rinpoche Gives Dharma Teachings, Talks, Oral Transmissions and Blessings at Karsha and Tagrinmo Monasteries, a Nunnery and Several Villages in Padum Valley in Zanskar
ཕྱི་ཟླ། ༦ ཚེས། ༧ ཉིན་ཟངས་དཀར་ས་གནས་དཀར་ཆ་ཆོས་འཁོར་བྱམས་གླིང་དགོན་པར་ཆིབས་བསྒྱུར་སྐབས་རྒྱུད་སྟོད་མཁན་ཟུར་རིན་པོ་ཆེས་དབུས་དགོན་པའི་མཁན་རིན་པོ་ཆེ་དང་། དགེ་འདུན་པ་བཅས་ནས་ཕེབས་བསུ་སེར་སྦྲེང་གི་སྔོན་བསུས་ཏེ་འདུ་ཁང་དུ་གནས་གཟིགས་དང་། གནས་བཅུ་དང་འབྲེལ་བའི་མཎྜལ་རྟེན་གསུང་འདེགས་འབུལ་ཞུས། རྒྱུད་སྟོད་མཁན་ཟུར་རིན་པོ་ཆེས་༸སྐྱབས་རྗེ་ཡོངས་འཛིན་གླིང་མཆོག་སྤྲུལ་རིན་པོ་ཆེ་མཆོག་གི་སྐུ་ཚེའི་མཛད་འཕྲིན་སྐོར་སྙན་སྒྲོན་དང་སྐུ་ཚེ་ཞབས་པད་ཡུན་དུ་བརྟན་པའི་གསོལ་འདེབས་ཞུས། དགོན་པའི་མཁན་བླ་འདུས་མང་ནས་གསོལ་འདེབས་ཞུ་དོན་ལྟར་དགའ་ལྡན་ལྷ་བརྒྱ་མའི་ལྗགས་ལུང་དང་བཀའ་སློབ་བཀའ་དྲིན་སྩལ། དེ་བཞིན་༸རྒྱལ་བའི་ཕོ་བྲང་གསར་བཞེངས་སར་གདན་ཞུས་ཀྱིས་རབ་གནས་དང་། གཟིགས་སྐོར་མཛད། བཙུན་དགོན་བཅུ་གཅིག་ཞལ་དུ་གནས་གཟིགས་དང་བཀའ་སློབ། སྟག་རི་དགོན་པར་ཆིབས་བསྒྱུར་སྐབས་དགོན་པའི་མཁན་རིན་པོ་ཆེ་དང་། དགེ་འདུན་པ་བཅས་ནས་ཕེབས་བསུས་སྔོན་བསུས་ཏེ་གཙུག་ལག་ཁང་དུ་གནས་གཟིགས་མཛད། དེ་བཞིན་དཀར་ཆ་དང་། པ་དུམ་ཡུལ་གྲོང་བཅས་ལ་བཀའ་སློབ་དང་། བཀའ་ཆོས་སྩལ་སྐབས།།
H.E. Ling Rinpoche offered teachings on The Foundation of All Good Qualities at Karsha Monastery in Padum Valley in Zanskar, Ladakh. Rinpoche also gave Dharma talks and bestowed many precious oral transmissions of mantras.
At each place he visited—including the newly built Palace dedicated to His Holiness the Great 14th Dalai Lama, Tagrinmo Monastery, the nearby nunnery, and several villages—Rinpoche gave short teachings and heartfelt advice, blessing the community with his presence and wisdom.