H.E. Ling Rinpoche Presides Over First Day of Novice Monk Ordination Ceremony Drepung Loseling Monastery in India
ཕྱི་ལོ་ ༢༠༢༦ ཟླ་ ༡༡ ཚེས་ ༨ ཉིན། ༸སྐྱབས་རྗེ་ཡོངས་འཛིན་གླིང་མཆོག་སྤྲུལ་རིན་པོ་ཆེ་མཆོག་དབུ་བཞུགས་ཐོག་ཕུན་སུམ་ཚོགས་པ་བཞི་ཚང་བའི་སྒོ་ནས་ གསར་བཞུགས་དགེ་འདུན་པ་བཅུ་ཕྲག་དགུའི་སྐོར་ལ་དགེ་ཚུལ་གྱི་སྡོམ་པ་བསྩལ་སྐབས། ༡༽ གནས་ཕུན་སུམ་ཚོགས་པ།༸རྒྱལ་བའི་བསྟན་པའི་འབྱུང་གནས་ཆེན་པོ་རང་ཁོངས་རྒྱ་གར་ལྷོ་ཕྱོགས་གདན་ས་ཆེན་པོ་དཔལ་ལྡན་འབྲས་སྤུངས་མཁས་མང་བློ་གསལ་བྱེ་བའི་གླིང་གྲྭ་ཚང་དུ་སྔོན་བྱོན་དམ་པའི་ཕྱག་རྗེས་ཀྱིས་བྱིན་གྱིས་བརླབས་ཤིང་། ད་ལྟའང་མདོ་སྔགས་ཟུང་འབྲེལ་གྱི་འཆད་ཉན་རྒྱ་ཆེར་སྤེལ་སའི་གཙུག་ལག་ཁང་ཆེན་མོའམ་འདུས་ཁང་རིན་པོ་ཆེར། གསེར་ཟམ་ལྟ་བུའི་དགོན་པའི་ཁོར་ཡུག་ཕུན་སུམ་ཚོགས་པའི་ནང་དུ། ༢༽ ཆོས་ཕུན་སུམ་ཚོགས་པ་སྟོན་པ་མཉམ་མེད་ཐུབ་པའི་དབང་པོའི་དགོངས་རྒྱན་འདུལ་བའི་སྡེ་སྣོད་ཀྱི་སྙིང་པོ། སོ་ཐར་གྱི་སྡོམ་པ་ནི་ཐར་པའི་གྲོང་ཁྱེར་དུ་འཇུག་པའི་ཐོག་མའི་སྒོ་མོ་ཡིན་པར་བརྟེན། སོ་ཐར་སྡོམ་པའི་རྩ་བ་དགེ་ཚུལ་གྱི་སྡོམ་པ་འབོག་པའི་ཆོ་ག མཁན་སློབ་དབུ་གསུམ་གྱི་ཚུལ་དུ་གནང་སྟེ། སྔོན་འགྲོར་སྐྱབས་འགྲོ་དང་དགེ་བསྙེན་གྱི་སྡོམ་པ་འབོག་པ་དང་བཅས་པའི་དམ་པའི་ཆོས་བདུད་རྩིའི་རྒྱུན་བཟང་པོ་བསྩལ་བ། ༣༽ འཁོར་ཕུན་སུམ་ཚོགས་པ་མང་ཐོས་འདུལ་བ་འཛིན་པ་རྣམ་གྲྭ་མཁན་རིན་པོ་ཆེ་མཆོག་དང་། བླ་མ་གཞུང་ལེན་པ། དབུ་མཛད་ཆེན་མོ། གྲྭ་ཚང་གི་དཔེ་ཁྲིད་རྒན་རྣམ་པ་སོགས་བཤད་སྒྲུབ་ཀྱི་འཁོར་ལོས་སྒྱུར་བའི་དགེ་བའི་བཤེས་གཉེན་དམ་པ་རྣམས་དང་། ལྷག་པར་དུ་གདན་ས་ཆེན་པོར་གསར་དུ་ཞུགས་པའི་རིགས་རུས་དབྱེར་མེད་ཀྱི་དད་པ་ཕུན་སུམ་ཚོགས་པའི་དགེ་འདུན་པ་བཅུ་ཕྲག་དགུའི་སྐོར་བཅས་ཁ་སྐོང་འོས་པའི་དགེ་འདུན་གྱི་སྡེ་ཚོགས་རྣམ་པར་དག་པ་འཛོམས་པའོ།། ༤༽ དུས་ཕུན་སུམ་ཚོགས་པ་མཉམ་མེད་ཐུབ་པའི་དབང་པོ་ལྷ་ལས་བབས་པའི་ཟླ་བའི་དུས་ཚིགས་བཟང་པོ་སྟེ། ཕུན་སུམ་ཚོགས་པ་བཞི་ལྡན་གྱི་དུས་སྐབས་ཁྱད་པར་ཅན་གྱི་ཉིན་མོའི་སྐུ་པར། །
His Eminence Kyabjé Yongzin Ling Rinpoche presided over the first day of the novice monk ordination ceremony at the Prayer Hall of Drepung Loseling Monastery in South India, conferring novice monk vows upon approximately 100 monks on the first day, with around 200 monks participating in the two-day ceremony.
The ceremony was organized at the request of Drepung Loseling Monastery.
A meaningful and auspicious beginning to this two-day ceremony, marking an important milestone in the spiritual journey of these aspiring monks as they embark on the path of monastic life.