H.E. Ling Rinpoche Presides Over Second Day of Ordination Ceremony for 200 Novice Monks at Drepung Loseling Monastery in India
࿑ དེ་ཡང་ལོ་ཤས་སྔོན་ནས་གྲྭ་ཚང་གི་མཁན་རིན་པོ་ཆེ་མཆོག་གི་དབུས་གྲྭ་ཚང་རིན་པོ་ཆེ་ནས་ཡང་ཡང་ཞུ་དོན་ལྟར་ཕྱི་ལོ་ ༢༠༢༦ ཟླ་ ༡༡ ཚེས་ ༡༠ རེས་གཟའ་མིག་དམར་ཉིན་༸སྐྱབས་རྗེ་ཡོངས་འཛིན་གླིང་མཆོག་སྤྲུལ་རིན་པོ་ཆེ་མཆོག་དབུ་བཞུགས་ཐོག་ཕུན་སུམ་ཚོགས་པ་བཞི་ཚང་བའི་སྒོ་ནས་གསར་བཞུགས་དགེ་འདུན་པ་བཅུ་ཕྲག་དགུའི་སྐོར་ལ་དགེ་ཚུལ་གྱི་སྡོམ་པ་བསྩལ་སྐབས། ༡༽ གནས་ཕུན་སུམ་ཚོགས་པ།༸རྒྱལ་བའི་བསྟན་པའི་འབྱུང་གནས་ཆེན་པོ་རང་ཁོངས་རྒྱ་གར་ལྷོ་ཕྱོགས་གདན་ས་ཆེན་པོ་དཔལ་ལྡན་འབྲས་སྤུངས་མཁས་མང་བློ་གསལ་བྱེ་བའི་གླིང་གྲྭ་ཚང་དུ་སྔོན་བྱོན་དམ་པའི་ཕྱག་རྗེས་ཀྱིས་བྱིན་གྱིས་བརླབས་ཤིང་། ད་ལྟའང་མདོ་སྔགས་ཟུང་འབྲེལ་གྱི་འཆད་ཉན་རྒྱ་ཆེར་སྤེལ་སའི་གཙུག་ལག་ཁང་ཆེན་མོའམ་འདུས་ཁང་རིན་པོ་ཆེར། གསེར་ཟམ་ལྟ་བུའི་དགོན་པའི་ཁོར་ཡུག་ཕུན་སུམ་ཚོགས་པའི་ནང་དུ། ༢༽ ཆོས་ཕུན་སུམ་ཚོགས་པ་སྟོན་པ་མཉམ་མེད་ཐུབ་པའི་དབང་པོའི་དགོངས་རྒྱན་འདུལ་བའི་སྡེ་སྣོད་ཀྱི་སྙིང་པོ། སོ་ཐར་གྱི་སྡོམ་པ་ནི་ཐར་པའི་གྲོང་ཁྱེར་དུ་འཇུག་པའི་ཐོག་མའི་སྒོ་མོ་ཡིན་པར་བརྟེན། སོ་ཐར་སྡོམ་པའི་རྩ་བ་དགེ་ཚུལ་གྱི་སྡོམ་པ་འབོག་པའི་ཆོ་ག་མཁན་སློབ་ཀྱི་ཚུལ་དུ་གནང་སྟེ། སྔོན་འགྲོར་སྐྱབས་འགྲོ་དང་དགེ་བསྙེན་གྱི་སྡོམ་པ་འབོག་པ་དང་བཅས་པའི་དམ་པའི་ཆོས་བདུད་རྩིའི་རྒྱུན་བཟང་པོ་བསྩལ་བ། ༣༽ འཁོར་ཕུན་སུམ་ཚོགས་པ་མང་ཐོས་འདུལ་བ་འཛིན་པ་རྣམ་གྲྭ་མཁན་རིན་པོ་ཆེ་མཆོག་དང་། བླ་མ་གཞུང་ལེན་པ། དབུ་མཛད་ཆེན་མོ། གྲྭ་ཚང་གི་དཔེ་ཁྲིད་རྒན་རྣམ་པ་སོགས་བཤད་སྒྲུབ་ཀྱི་འཁོར་ལོས་སྒྱུར་བའི་དགེ་བའི་བཤེས་གཉེན་དམ་པ་རྣམས་དང་། ལྷག་པར་དུ་གདན་ས་ཆེན་པོར་གསར་དུ་ཞུགས་པའི་རིགས་རུས་དབྱེར་མེད་ཀྱི་དད་པ་ཕུན་སུམ་ཚོགས་པའི་དགེ་འདུན་པ་བཅུ་ཕྲག་དགུའི་སྐོར་བཅས་ཁ་སྐོང་འོས་པའི་དགེ་འདུན་གྱི་སྡེ་ཚོགས་རྣམ་པར་དག་པ་འཛོམས་པའོ།། ༤༽ དུས་ཕུན་སུམ་ཚོགས་པ་འཇམ་མགོན་བླ་མ་ཙོང་ཁ་པ་ཆེན་པོ་གཟུགས་སྐུའི་བཀོད་པ་ཆོས་དབྱིངས་སུ་ཐིམ་ཚུལ་བསྟན་པའི་ལྔ་མཆོད་ཟླ་བའི་དུས་ཚིགས་བཟང་པོ་སྟེ། ཕུན་ཚོགས་བཞི་ལྡན་གྱི་དུས་སྐབས་ཁྱད་པར་ཅན་གྱི་ཉིན་མོའི་སྐུ་པར། །
His Eminence Kyabjé Yongzin Ling Rinpoche presided over the second day of the novice monk ordination ceremony at the Prayer Hall of Drepung Loseling Monastery, South India. Following the ordination of approximately 100 monks on the first day, the two-day ceremony saw around 200 monks receive novice monk vows.
The ceremony was organized at the request of Drepung Loseling Monastery.
This auspicious occasion marks an important milestone in the spiritual journey of these aspiring monks as they formally embark on the path of monastic life, dedicating themselves to the study, practice and preservation of the Buddha Dharma.
