H.E. Ling Rinpoche Shares Message of Condolences and Prayers for Passing of Kyabjé Doboom Rinpoche
༄༅། །༸སྐྱབས་རྗེ་རྡོ་བུམ་རིན་པོ་ཆེ་མཆོག་དགོངས་པ་ཆོས་དབྱིངས་སུ་ཐིམ་ཚུལ་བསྟན་པའི་ཡིད་སྐྱོའི་གནས་ཚུལ་ཐོས་མ་ཐག་ཧ་ཅང་བློ་ཕམ་གྱི་གནས་སུ་གྱུར། དམ་པ་ཁོང་ནི་༸སྐྱབས་རྗེ་ཡོངས་འཛིན་གླིང་སྤྲུལ་རྡོ་རྗེ་འཆང་ཆེན་པོ་མཆོག་གི་ཞལ་སྔ་ནས་མདོ་སྔགས་ཆོས་ཚུལ་དུ་མ་གསན་བཞེས་དང་། རིན་པོ་ཆེ་མཆོག་བོད་དུ་བཞུགས་སྐབས་གདན་ས་ཆེན་པོ་འབྲས་སྤུངས་བློ་གསལ་གླིང་དུ་གཞུང་ཆེན་ཁག་ལ་གསན་བསམ་མཛད་ཅིང་། བཙན་བྱོལ་དུ་ཕེབས་ནས་༸གོང་ས་༸སྐྱབས་མགོན་རྒྱལ་བའི་དབང་པོ་ཐམས་ཅད་མཁྱེན་ཅིང་གཟིགས་པ་ཆེན་པོ་མཆོག་གི་བཀའ་དགོངས་བཞིན་སྐུ་སྒེར་ཡིག་ཚང་དང་། ལྡི་ལི་བོད་ཁང་གི་འགན་འཛིན་བཅས་ཀྱི་ཕྱག་ལས་སོགས་ལོ་མང་རིང་གནང་། ངོས་ཀྱང་རིན་པོ་ཆེ་དང་ཆུང་ངུའི་དུས་ནས་བཟུང་ད་བར་ཞལ་མཇལ་དང་ཕན་ཚུལ་ནང་མཆེད་བཀའ་མོལ་ཡང་ཡང་ཞུ་རྒྱུའི་གོ་སྐབས་བྱུང་ཡོད་པ་བཅས། མཐའ་དོན། དམ་པ་གང་གི་ཐུགས་དགོངས་ཟབ་མོ་ཡོངས་སུ་རྫོགས་པ་དང་སླར་ཡང་བསྟན་འགྲོའི་མགོན་དུ་ཡང་སྲིད་འཁྲུལ་བྲལ་མྱུར་དུ་བྱོན་པའི་མཆོག་གསུམ་རྒྱལ་བ་རྒྱ་མཚོར་གསོལ་འདེབས་སྨོན་ལམ་ཤུགས་དྲག་དང་བཅས། ཡོངས་འཛིན་གླིང་སྐྱེ་མིང་པས་ཕྱི་ལོ། ༢༠༢༤ ཟླ་བ། ༡ ཚེས། ༢༩ ཉིན། །
I was very sad to receive news of passing of Kyabjé Doboom Rinpoche this morning. I offer my deepest condolences to all those who were close to Rinpoche. I am praying for Rinpoche’s swift return for the benefit of all living beings and for all of Rinpoche’s wishes to be perfectly fulfilled. – Ling Rinpoche, 29 January 2024