November 5, 2022

࿑ ཕྱི་ལོ། ༢༠༢༢ ཟླ་བ། ༡༡ ཚེས། ༥ ཉིན་རྒྱལ་སྤྱིའི་ནང་པའི་ལྷན་ཚོགས་དབུ་བརྙེས་ནས་ལོ་ངོ་ཧྲིལ་བོ་བཅུ་འཁོར་བའི་དུས་དྲན་གྱི་མཛད་སྒོར་རྒྱ་གར་དབུས་གཞུང་རིགས་གཞུང་ལྷན་ཁང་དང་། རྒྱལ་སྤྱིའི་ནང་པའི་ལྷན་ཚོགས་ནས་༸སྐྱབས་རྗེ་ཡོངས་འཛིན་གླིང་མཆོག་སྤྲུལ་རིན་པོ་ཆེ་མཆོག་རྒྱ་གར་གྱི་རྒྱལ་ས་ལྡི་ལིར་མཛད་སྒོའི་དབུ་བཞུགས་སུ་གདན་ཞུའི་གསོལ་འདེབས་ཞུ་དོན་ལྟར་ཆིབས་བསྒྱུར་གྱིས་བཀའ་སློབ་སྩལ་སྐབས་ཀྱི་སྐུ་པར།།

On 5th November, H.E. Ling Rinpoche was invited to preside over the International Buddhist Confederation’s 10th anniversary celebration in Delhi. Rinpoche delivered a speech commending the Government of India for its support of the IBC, a Global Buddhist Network which has made significant efforts to unite and promote communication among Buddhists around the world.

October 26, 2022

࿑ ཕྱི་ལོ། ༢༠༢༢ཟླ་བ། ༡༠ ཚེས། ༢༦ ཉིན་བོད་ཕྲུག་ཁྱིམ་སྡེའི་ལས་སློབ་ངོ་ཟུར་དང་། བྱང་ཨ་རི་བོད་རིགས་སྤྱི་མཐུན་ཚོགས་པ་ཐུན་མོང་ནས་༸གོང་ས་༸སྐྱབས་མགོན་རྒྱལ་དབང་ཐམས་ཅད་མཁྱེན་ཅིང་གཟིགས་པ་ཆེན་པོ་མཆོག་ལ་དག་སྣང་གསང་བ་རྒྱ་ཅན་ལས་ཚེ་དཔག་མེད་དྭངས་མ་བཅུད་འདྲེན་གྱི་སྒོ་ནས་མཁའ་འགྲོའི་བསུན་ཟློག་དང་འབྲེལ་བའི་བརྟན་བཞུགས་བསྟར་འབུལ་ཞུ་སྐབས་༸སྐྱབས་རྗེ་ཡོངས་འཛིན་གླིང་མཆོག་སྤྲུལ་རིན་པོ་ཆེ་མཆོག་ནས་རྡོ་རྗེ་སློབ་དཔོན་མཛད་དེ་མཎྜལ་ལྗགས་བཤད་དང་། སྐུ་གསུང་ཐུགས་རྟེན་འདེགས་འབུལ། བཀྲ་ཤིས་རྫས་རྟགས་སོགས་འབུལ་སྐབས་ཀྱི་སྐུ་པར།།

On the morning of 26th October, H.E. Ling Rinpoche led a Long Life Prayer (Tenshug) for His Holiness the Great 14th Dalai Lama of Tibet, offered by the global Tibetan Children’s Village (TCV) family and the North American Tibetan Associations (NATA), at the Main Temple in Dharamsala, India.

October 23, 2022

࿑ ཕྱི་ལོ། ༢༠༢༢ཟླ་བ། ༡༠ ཚེས། ༢༣ ཉིན་ ༸སྐྱབས་རྗེ་ཡོངས་འཛིན་གླིང་མཆོག་སྤྲུལ་རིན་པོ་ཆེ་མཆོག་ནས་བོད་ཕྲུག་ཁྱིམ་སྡེའི་སློབ་གྲྭ་དབུ་བརྙེས་ནས་ལོ་ངོ་༦༢ འཁོར་བའི་དུས་དྲན་མཛད་སྒོའི་དབུ་བཞུགས་སུ་ཆིབས་བསྒྱུར་གྱིས་བཀའ་སློབ་ཆེ་སྩལ་དང་གཟེངས་བསྟོད་གསོལ་་རས་སྩལ་མཛད་ཅིང་དེ་རྗེས་ས་གནས་གཞན་ནས་ཕེབས་པའི་བོད་ཁྱིམ་སློབ་གྲྭའི་འགྲེམས་སྟོན་ཁག་ལ་གཟིགས་ཞིབ་དང་། གཞས་སྣ་གཟིགསའབུལ་ཞུས་པར་ཐུགས་དགྱེས་གཟིགས་གནང་བཞིན་པའི་སྐབས་ཀྱི་སྐུ་པར།།

On 23rd October, H.E. Ling Rinpoche presided as the Chief Guest at the Upper Tibetan Children’s Village’s (UTCV) 62nd founding anniversary and celebration of Kasur Ama Jetsun Pema’s service to the institute where she was presented a gratitude award. The celebration was also graced by leaders from the three pillars of Tibetan democracy (CTA) and other dignitaries.