August 3, 2026
03
༈ ཕྱི་ལོ། ༢༠༢༦ ཟླ་བ། ༨ ཚེས། ༢ ཉིན་རྒྱ་གར་ཧི་མ་ལ་ཡའི་ན་ལནྡའི་ནང་པའི་སྲོལ་རྒྱུན་ལྷན་ཚོགས་དང་། ལ་དྭགས་ནང་པའི་ཚོགས་པ། ལ་དྭགས་དགོན་པའི་ཚོགས་པ་བཅས་ནས་༸སྐྱབས་རྗེ་ཡོངས་འཛིན་གླིང་མཆོག་སྤྲུལ་རིན་པོ་ཆེ་མཆོག་ལ་ཇི་ལྟར་གསོལ་འདེབས་ཞུ་དོན་ལྟར་ལ་དྭགས་གླེ་ནང་པའི་ཚོགས་ཁང་ཆེན་མོར་༸གོང་ས་༸སྐྱབས་མགོོན་རྒྱལ་དབང་ཐམས་ཅད་མཁྱེན་ཅིང་གཟིགས་པ་ཆེན་པོ་མཆོག་དགུང་གྲངས་༩༡ ལ་ཕེབས་པའི་སྐུའི་འཁྲུངས་སྐར་བསྲུང་བརྩིའི་སླད་འཛམ་གླིང་ཞི་བདེ་དང་སྙིང་རྗེའི་ཆེད་དུ་ཆོས་ཀྱི་གོམ་བགྲོད་ཀྱི་དབུ་འབྱེད་མཛད་སྒོའི་དབུ་བཞུགས་སུ་ཆིབས་བསྒྱུར་གྱིས་སྣང་གསལ་མར་མེ་ཞལ་འབྱེད་དང་། བཀའ་སློབ་སྩལ་དོན་འཛམ་གླིང་འདིའི་ནང་ཆོས་ཁས་ལེན་མི་ལེན་ཚང་མས་ཞི་བདེ་དགོས་པའི་སྐོར་མང་པོ་གསུང་མཁན་ཡོད་ཀྱང་སེམས་ཀྱི་ཞི་བདེ་མེད་ན་དོན་དམ་པའི་ཞི་བདེ་ངོ་མ་ནི་ཡོང་ཐབས་མེད་ཅིང་། དེ་ཡང་ནང་པའི་གཞུང་ལུགས་ནས་དེ་དག་བསྒྲུབ་པའི་ཐབས་ལམ་ཟབ་ཅིང་གསལ་བར་གསུང་པས་དེ་དག་ལ་སློབ་སྦྱོང་བྱ་རྒྱུ་ཤིན་ཏུ་གལ་ཆེ་བའི་སྐོར་གསུངས། དེ་བཞིན་༸གོང་ས་༸སྐྱབས་མགོོན་ཆེན་པོ་མཆོག་ནི་བོད་དང་། ཧི་མ་ལ་ཡའི་ཁུལ་གྱི་ལྷག་པའི་ལྷ་སྐལ་ཡིན་པས་ཉེ་བའི་འཆར་མགོན་པོ་གང་ཉིད་ནས་དགུང་གྲངས་བརྒྱ་དང་སུམ་བཅུ་ལྷག་བཞུགས་རྒྱུའི་བཀའ་བཞེས་ཟབ་མོ་ཇི་འཐོབ་བཞིན་དགའ་དད་གུས་པས་སྒོ་ནས་༸གོང་ས་༸སྐྱབས་མགོོན་ཆེན་པོ་མཆོག་སྐུ་ཚེ་ཞབས་པད་བསྐལ་བརྒྱར་བརྟན་པའི་སྨོན་འདུན་ཞུ་རྒྱུ་དང་། དཔལ་ན་ལེནྡའི་ཆོས་ནས་བརྒྱུད་པས་འཚེ་མེད་ཞི་བའི་ལྟ་གྲུབ་དར་ཞིང་རྒྱས་པ་དང་འཛམ་བུ་གླིང་འདིར་ཞི་བདེའི་འོད་སྣང་གི་ཁྱབ་པའི་སྨོན་འདུན་ཡོད་ཅེས་བཀའ་སློབ་སྩལ་ཅིང་། གོ་སྒྲིག་ལྷན་ཚོགས་ནས་སྟོན་པ་ཐུབ་པའི་དབང་པོའི་སྣང་བརྙན་དང་། ཆེ་བསྟོད་གཟེངས་རྟགས་འབུལ་བཞེས་མཛད་སྐབས་བཅས་ཀྱི་སྐུ་པར།
His Eminence Kyabjé Ling Rinpoche attended as the Chief Guest at the opening of the Dharma Walk for Universal Peace and Compassion and the celebration of the 91st Birthday of His Holiness the 14th Dalai Lama, organized by the Indian Himalayan Council for Nalanda Buddhist Tradition in collaboration with the Ladakh Buddhist Association and the Gonpa Association.
The opening ceremony was held at the Dharma Centre, Leh, where His Eminence Ling Rinpoche officially inaugurated the event and addressed the gathering, emphasizing the importance of universal peace, compassion, and preserving the Nalanda Buddhist tradition.
