April 30, 2024

࿑ ཕྱི་ལོ། ༢༠༢༤ ཟླ་བ་ ༤ ཚེས་ ༣༠ ཉིན། ༸སྐྱབས་རྗེ་ཡོངས་འཛིན་གླིང་མཆོག་སྤྲུལ་རིན་པོ་ཆེ་མཆོག་ཨ་རིའི་རྒྱལ་སའི་མངའ་ཁུལ་དུ་ཕེབས་འབྱོར་སྐབས་བྱང་ཨ་རིའི་བོད་ཀྱི་སྐུ་ཚབ་དོན་གཅོད་འབུམ་རམས་པ་རྣམ་རྒྱལ་ཆོས་གྲུབ་མཆོག་དང་། ཆོས་ཚོགས་ཁག་གི་འགན་འཛིན། ས་གནས་མི་མང་ནས་གནམ་ཐང་དུ་ཕེབས་བསུའི་སྣེ་ལེན་ཞུས་ཅིང་། ཟླ་བ་༥ ཚེས་ ༡ ཉིན། ༸སྐྱབས་རྗེ་ཡོངས་འཛིན་གླིང་མཆོག་སྤྲུལ་རིན་པོ་ཆེ་མཆོག་ནས་ཨ་རིའི་རྒྱལ་ས་ཝ་ཤིན་ཊོན་དུ་བོད་ཀྱི་སྐུ་ཚབ་དོན་གཅོད་ཁང་དུ་ཆིབས་བསྒྱུར་གྱི་རབ་གནས་དང་། ལས་བྱེད་རྣམས་ལ་བཀའ་སློབ་བཀའ་དྲིན་ཆེ་སྩལ་མཛད་ཅིང་། སྐུ་ཚབ་དོན་གཅོད་མཆོག་གིས་ད་ལྟའི་འཆར་ཨ་རིའི་ནང་གི་བོད་དོན་དང་འབྲེལ་བའི་སྐོར་སྙན་སེང་ཞུ་སྐབས་བཅས་ཀྱི་བརྙན་པར། ། 

On April 30th,  H.E. Ling Rinpoche was warmly welcomed at the airport in Washington DC by the Representative of His Holiness the Dalai Lama and local hosts and organizers. 

Then on May 1st, Rinpoche visited the Office of Tibet where he blessed the premises and met with the Representative of His Holiness the Dalai Lama Namgyal Choedup and staff members.

April 30, 2024

࿑ གཞིས་བྱེས་གཉིས་སུ་བཞུགས་པའི་བོད་རིགས་སྤུན་ཟླ་གཙོ་བོར་གྱུར་པའི་ཧི་མ་ལ་ཡའི་རི་རྒྱུད་ཀྱི་མི་མང་ཡོངས་ལ་འཚམས་འདྲི་དང་བོད་ཀྱི་ཡིག་གཟུགས་ཉིན་མོ་བསྲུང་བརྩི་ཞུ། །

On April 30th, H.E. Ling Rinpoche sends warmest greetings in celebration of Tibetan Calligraphy Day, to all Tibetans within and outside Tibet and across the Himalayan region.

April 28, 2024

࿑ ཕྱི་ལོ། ༢༠༢༤ཟླ་བ། ༤ ཚེས། ༢༧ དང་༢༨ གཉིས་ལ་༸སྐྱབས་རྗེ་ཡོངས་འཛིན་གླིང་མཆོག་སྤྲུལ་རིན་པོ་ཆེ་མཆོག་ནས་ཀེ་ཎ་ཊི་ཀའི་ས་གནས་མདོ་སྔགས་ཀུན་ཕན་གླིང་དུ་རྒྱུད་སྨད་མཁན་ཟུར་རིན་པོ་ཆེ་དབུ་བཞུགས་ཐོག་བོད་རིགས་དང་། ཕྱི་རྒྱལ་གྱི་དད་ལྡན་རྣམས་ལ་དགའ་ལྡན་ལྷ་བརྒྱ་མའི་བཀའ་ཁྲིད་དང་། ཐུགས་རྗེ་ཆེན་པོའི་རྗེས་གནང་བཅས་སྩལ་སྐབས་ཀྱི་སྐུ་པར།

On April 27-28th, H.E. Ling Rinpoche gave two days of teachings on the 100 Deities of Tushita Heaven (Gaden Lhyagyama) and bestowed the 1,000-Armed Avalokiteshvara Initiation, at the Western Connecticut State University, hosted by Do Ngak Khuphen Ling located in Danbury, Connecticut.