June 13, 2025

࿑ ཕྱི་ལོ། ༢༠༢༥ ཟླ་བ། ༦ ཚེས། ༡༣ ཉིན། ༸སྐྱབས་རྗེཡོངས་འཛིན་་གླིང་མཆོག་སྤྲུལ་རིན་པོ་ཆེ་མཆོག་ལ་དྭགས་ཁྲིག་སེ་དགོན་དུ་ཆིབས་བསྒྱུར་སྐབས་༸སྐྱབས་རྗེ་ཁྲིག་རྩེ་རིན་པོ་ཆེ་མཆོག་གི་ཕེབས་བསུའི་མཇལ་དར་ཕུལ། དགོན་པའི་དབུ་ཆོས་དང་། དད་ལྡན་རྣམས་ཀྱི་སྤྱན་རྒྱ་སྤོས་སྣེས་སྔོན་བསུས་ཏེ་ཁྲིག་སེ་ཤེས་རབ་སྐྱེད་ཚལ་གླིང་རྒྱལ་བའི་ཕོ་བྲང་དུ་ཕེབས་སྟོན་མཛད་སྒོ་གཟབ་རྒྱས་བསྲུང་བརྩི་ཞུས་ཅིང་།དེ་བཞིན་ལ་དྭགས་དགོན་ཚོགས་དང་ནང་ཚོགས་ལ་དྭགས་རང་སྐྱོངས་ཚོགས་པའི་ཚོགས་གཞོན། ས་གནས་སྐུ་ངོ་དོན་གཅོད་དང་། ཚོགས་སྡེ་ཁག་གི་འགན་འཛིན་བཅས་ནས་ཕེབས་བསུ་ཞུ་སྐབས་ཀྱི་བརྙན་པར། །

H.E. Kyabjé Yongzin Ling Rinpoche was given a very grand welcome to Leh with a deeply heartfelt reception from Thiksay Monastery. The welcome was graciously led by Kyabjé Thiksay Rinpoche and was joined by senior monks, dignitaries, and members of the local community.

The reception began from Khaltsi and continued all the way to Thiksay Monastery, with warm greetings and offerings from villagers along the entire route.

Our heartfelt gratitude to everyone for the touching and respectful welcome amidst the majestic landscape of the Leh in Ladakh, the Himalayas in India.

View video of the heartfelt welcome

June 12, 2025

࿑ ཕྱི་ལོ། ༢༠༢༥ ཟླ་བ། ༦ ཚེས། ༡༢ ཟངས་དཀར་ས་གནས་གཞོན་ནུ་ཚོགས་པས་གོ་སྒྲིག་འོག་གྲུ་འཛིན་ཕོ་བྲང་སློབ་གྲྭའི་ཚོགས་ཁང་ནང་༸སྐྱབས་རྗེཡོངས་འཛིན་གླིང་མཆོག་སྤྲུལ་རིན་པོ་ཆེ་མཆོག་དབུ་བཞུགས་སུ་ཆིབས་བསྒྱུར་གྱིས་གྲུ་འཛིན་ཕོ་བྲང་སློབ་གྲྭའི་དགེ་ལས་སློབ་ཕྲུག་རྣམ་པ། ལམ་སྒྲོན་དཔེ་གསར་སློབ་གྲྭ། མར་པ་གླིང་ལམ་སྒྲོན་སློབ་གྲྭ། དཀར་ཆ་མཐོ་སློབ། སེ་པེ་ཊི་སློབ་གྲྭ། ཕྱེ་འཛིན་རིམ་བཅུ་གཉིས་པའི་སློབ་ཕྲུག། པ་ཏུམ་འཛིན་རིམ་བཅུ་གཉིས་པའི་སློབ་ཕྲུག་སོགས་ལ་མེས་པོའི་རིགས་གཞུང་ཟབ་མོ་རྨང་གཞིར་ཡོད་པའི་ཐོག་ནས་དེང་དུས་ཀྱི་ཤེས་ཡོན་ལ་སྦྱངས་བརྩོན་ཧུར་ཐག་གནང་ཏེ་འདབ་གཤོག་གཉིས་ལྡན་གྱི་ལྷག་བསམ་ལྡན་པའི་སློབ་མ་བཟང་པོ་ཞིག་བྱེད་དགོས་པའི་སྐོར་ལ་བཀའ་སློབ་དང་། འཇུག་ཏུ་བཀའ་འདྲི་ཞུ་མཁན་ལ་བཀའ་ལན་སྩལ་སྐབས། །

H.E. Ling Rinpoche gave an inspiring talk to students from various schools across Zanskar at the Assembly Hall of Duzin Phodang School, organized by the Buddhist Youth of Zanskar.

The hall was filled with youthful curiosity as students eagerly asked heartfelt questions, and Rinpoche responded with warmth, wisdom, and kindness.

A truly memorable and uplifting exchange of knowledge and blessings.

June 11, 2025

࿑ ཕྱི་ལོ། ༢༠༢༥ ཟླ་བ། ༦ ཚེས། ༡༡ ས་ག་ཟླ་བའི་ཚེས་༡༥ ཉིན།ལ་དྭགས་ཟངས་དཀར་གྲུ་འཛིན་གཉིས་པའི་ཕོ་བྲང་དུ་དུས་དྲན་བསྲུང་བརྩི་ཞུ་སྐབས་༸སྐྱབས་རྗེཡོངས་འཛིན་་གླིང་མཆོག་སྤྲུལ་རིན་པོ་ཆེ་མཆོག་དབུ་བཞུགས་ཐོག་སངས་རྒྱས་ཀྱི་མཛད་པ་རྣམ་ཐར་དང་རྗེས་སུ་མཐུན་པ་ཉམས་ལེན་བྱེད་དགོས་ཚུལ་དང་། འདི་ལོར་༸གོང་ས་༸མཆོག་དགུང་གྲངས་དགུ་བཅུར་ཕེབས་བཞིན་ཡོད་པས་སྐུ་ཚེ་ཞབས་པད་བསྐལ་བརྒྱར་བརྟན་པའི་ཆེད་དུ་གཟུངས་སྔགས་ཡི་གེ་དྲུག་མ་དང་། སྒྲོལ་མའི་གཟུངས་སྔགས་གྲངས་གསོག་མཛད་དགོས་པའི་བཀའ་སློབ་སྩལ་ཅིང་། དེ་བཞིན་མཛད་སྒོ་ཐོག་ཟངས་དཀར་ཡུལ་གྱི་དབུས་ཀྱི་འཐུས་ཚོགས་ཀྱི་ཚོགས་གཙོ། ནང་པའི་ཚོགས་པའི་ཚོགས་གཙོ། དགོན་པའི་ཚོགས་པའི་ཚོགས་གཙོ། གཞོན་ནུའི་ཚོགས་གཙོ། ཆོས་བསྐུལ་ཚོགས་པ། ཨ་མའི་ཚོགས་པའི་ཚོགས་གཙོ་། དེ་བཞིན་ས་གནས་ཀྱི་དཔོན་རིགས་ཁག། གནད་ཡོད་མི་སྣ། དགོན་པ་ཁག་གི་མཁན་བླ་དགེ་འདུན་པ་རྣམ་པ། དགེ་ལས་སློབ་ཕྲུག་རྣམ་པ། དད་ལྡན་མི་དམངས་ལྷན་འཛོམས་ཀྱི་ས་ཟླའི་དུས་དྲན་བསྲུང་བརྩི་ཞུ་སྐབས་བཙུན་ཆུང་ཚོས་ཞལ་འདོན་དང་། དུས་དྲན་དང་འབྲེལ་བའི་བགྲོ་གླེང་གནང་། ན་གཞོན་སློབ་ཕྲུག་རྣམས་ནས་རིགས་གཞུང་གི་གཞས་སྣ་གཟིགས་འབུལ་ཞུ་སྐབས། །

H.E. Kyabjé Ling Rinpoche presided over the auspicious occasion of Saka Dawa celebrations in Padum, Zanskar. Rinpoche gave a profound talk on the precious teachings of the Buddha.

Students from various schools offered beautiful cultural dances and songs, filling the sacred gathering with joy and devotion.

View video highlights of the auspicious day