November 1, 2025

࿑ ༸སྐྱབས་རྗེ་ཡོངས་འཛིན་གླིང་མཆོག་སྤྲུལ་རིན་པོ་ཆེ་མཆོག་གིས་ཤྲིར་ལངྐའི་ཡུལ་དུ་མཛད་འཆར།

༡༽ སྔ་ལོ་ཕྱི་ལོ་ ༢༠༢༤ ལོ་དྷ་སར་༸གོང་ས་༸སྐྱབས་མགོན་ཆེན་པོ་མཆོག་ལ་སྲིད་ན་རྙེད་པར་དཀའ་བའི་སངས་རྒྱས་ཀྱི་རིང་བསྲེལ་རིན་པོ་ཆེ་ཕུལ་བའི་བཀའ་དྲིན་རྗེས་དྲན་དང་། འདི་ལོར་༸གོང་ས་༸སྐྱབས་མགོན་རྒྱལ་དབང་ཐམས་ཅད་མཁྱེན་ཅིང་གཟིགས་པ་ཆེན་པོ་མཆོག་དགུང་གྲངས་༩༠ ལ་ཕེབས་པའི་སྐུའི་གོ་སྟོན་སྲུང་བརྩིའི་སླད་དང་། མགོན་པོ་གང་ཉིད་བདག་སོགས་བསྟན་འགྲོའི་མགོན་དུ་སྐུ་ཚེ་ཞབས་པད་བསྐལ་བརྒྱར་བརྟན་ཅིང་མཛད་འཕྲིན་ཕྱོགས་བཅུར་རྒྱས་པ་དང་། བོད་རང་དབང་བདེན་པའི་ཉི་མ་མྱུར་དུ་འཆར་བའི་སླད་དུ་ཤྲཱི་ལངྐའི་ཡུལ་དུ་ནང་ཆོས་ཐོག་མར་སྲོལ་གཏོད་མཁན་ཆོས་ཀྱི་རྒྱལ་པོ་ཨ་ཤོ་ཀའི་རྡོ་རིང་གསར་བཞེངས་ཀྱི་མཐུན་འགྱུར་གསོལ་སྩལ་དང་། མཛད་སྒོའི་དབུ་བཞུགས་སུ་ཆིབས་བསྒྱུར་དང་། སངས་རྒྱས་ཀྱི་རིང་བསྲེལ་མཇལ་ཞུ་དང་ཐུགས་སྨོན་མཛད།

༢༽ ཤྲཱི་ལངྐའི་ནང་དུ་ཆོས་བརྒྱུད་ཆེན་པོ་༼སི་ཡམ་ནི་ཀ་ཡ། ཨ་མར་པུ་ར་ནི་ཀ་ཡ། རཱམནྱ་ནི་ཀ་ཡ་བཅས་༽གསུམ་ཡོད་པ་ལས། ད་ལན་ཨ་མར་པུ་ར་ནི་ཀ་ཡའི་ཆོས་བརྒྱུད་ཀྱི་ཐོག་ནས་༼འཇིག་རྟེན་དོན་དུ་སློབ་དཔོན་ཆོས་ཀྱི་རྣམ་རྒྱན།༽LOKARTHACHARYA DHARMA VIBHUSHANA གཟེངས་བསྟོད་ཅེས་པ་༸སྐྱབས་རྗེ་ཡོངས་འཛིན་གླིང་མཆོག་སྤྲུལ་རིན་པོ་ཆེ་མཆོག་ལ་འབུལ་བཞེས་མཛད། གཟེངས་བསྟོད་འདི་བཞིན་ཆོས་བརྒྱུད་དེའི་ཐོག་ནས་དེ་སྔ་འབར་མའི་བླ་ཆེན་ཞིག་དང་། ཐ་ལཎ་ཌིའི་བླ་ཆེན་ཞིག་ལ་འབུལ་གནང་མཛད་འདུག། །ཐེག་པ་ཆེན་པོ་དང་། དེའི་ནང་ནས་བོད་བརྒྱུད་ནང་བསྟན་གྱི་བླ་ཆེན་ཞིག་ལ་འབུལ་བ་ཐོག་མ་དེ་རེད་འདུག། །

༣༽ ཤྲིར་ལངྐའི་ནང་སེམས་བསྐྱེད་གླིང་ལེགས་སྦྱར་དང་པ་ལིའི་རིགས་གཞུང་སྤེལ་རེས་ལྟེ་གནས་ཁང་དུ་སངས་རྒྱས་ཀྱི་རིང་བསྲེལ་རིན་པོ་ཆེ་གདན་ཞུ་དང་མཆོད་འབུལ་མཛད་སྒོའི་ཚོགས་མགོན་དུ་བཀའ་དྲིན་བསྐྱངས་པ་དང་དེ་བཞིན་༸གོང་ས་༸མཆོག་གི་བདེ་སྐྱིད་ཀྱི་ཉམས་ལེན་ཁང་ཞེས་པ་གསར་བསྐྲུན་གྱི་ས་གཞི་བྱིན་རླབས་དང་ས་རྡོ་རྨང་འཇོག་གནང་། དེ་བཞིན་༸གོང་ས་༸མཆོག་སྐུ་ཚེ་ཞབས་པད་སྲིད་མཐར་བརྟན་པའི་སླད་ཕྱུགས་རིགས་ཚེ་ཐར་དང་། སློབ་ཕྲུག་གི་འཁོ་ཆས་སྦྱིན་གཏོང་གནང་བ་བཅས་ཀྱི་སྐུ་པར།།

H.E. Ling Rinpoche was Chief Guest, gracing the enshrinement of the Sacred Buddha Bone Relics at the Semkay Ling Pali and Sanskrit Centre, from the Rajguru Subuthi Maha Viharaya Temple, Waskaduwa in Heiyanthuduwa, Sri Lanka.

On the same day, Rinpoche presided over the foundation stone-laying ceremony for the Kundun Compassion Retreat, a new spiritual center dedicated to the teachings of compassion and wisdom inspired by His Holiness the Dalai Lama, along with an animal liberation ceremony and book distribution to local school children.

October 31, 2025

H.E. Ling Rinpoche arrived in Sri Lanka to a warm and heartfelt welcome. Upon arrival at the airport, Rinpoche was graciously received and interviewed by members of the Sri Lankan media.

October 30, 2025

࿑ ཕྱི་ལོ། ༢༠༢༥ ཟླ་བ། ༡༠ ཚེས། ༢༥ ཉིན་༸སྐྱབས་རྗེ་ཡོངས་འཛིན་གླིང་མཆོག་སྤྲུལ་རིན་པོ་ཆེ་མཆོག་ལ་གདན་ས་ཆེན་པོ་སེ་ར་ཐེག་ཆེན་གླིང་བླ་སྤྱི་ནས་ཇི་ལྟར་གསོལ་འདེབས་ཞུ་དོན་ལྟར་དྷ་ས་བཞུགས་སྒར་དགའ་ལྡན་ཆོས་གླིང་བཙུན་དགོན་ནང་ཐེ་ཝན་དད་ལྡན་གཙོ་གྱུར་གྱི་སེར་སྐྱ་རྣམས་ལ་ཕྱག་རྡོར་དྲག་པོ་གསུམ་བསྒྲིལ་གྱི་བཀའ་དབང་སྩལ་སྐབས་ཀྱི་སྐུ་པར། །

H.E. Ling Rinpoche bestowed the Initiation of the Three Wrathful Deities at Gaden Choeling Nunnery for the devotees from Taiwan and the nuns of Gaden Choeling, organized by Sera Lachi.