October 30, 2025

࿑ ཕྱི་ལོ། ༢༠༢༥ ཟླ་བ། ༡༠ ཚེས། ༢༥ ཉིན་༸སྐྱབས་རྗེ་ཡོངས་འཛིན་གླིང་མཆོག་སྤྲུལ་རིན་པོ་ཆེ་མཆོག་ལ་གདན་ས་ཆེན་པོ་སེ་ར་ཐེག་ཆེན་གླིང་བླ་སྤྱི་ནས་ཇི་ལྟར་གསོལ་འདེབས་ཞུ་དོན་ལྟར་དྷ་ས་བཞུགས་སྒར་དགའ་ལྡན་ཆོས་གླིང་བཙུན་དགོན་ནང་ཐེ་ཝན་དད་ལྡན་གཙོ་གྱུར་གྱི་སེར་སྐྱ་རྣམས་ལ་ཕྱག་རྡོར་དྲག་པོ་གསུམ་བསྒྲིལ་གྱི་བཀའ་དབང་སྩལ་སྐབས་ཀྱི་སྐུ་པར། །

H.E. Ling Rinpoche bestowed the Initiation of the Three Wrathful Deities at Gaden Choeling Nunnery for the devotees from Taiwan and the nuns of Gaden Choeling, organized by Sera Lachi.

October 26, 2025

࿑ ཕྱི་ལོ། ༢༠༢༥ ཟླ་བ། ༡༠ ཚེས། ༢༤ ཉིན་༸སྐྱབས་རྗེ་ཡོངས་འཛིན་གླིང་མཆོག་སྤྲུལ་རིན་པོ་ཆེ་མཆོག་སྐུ་མགྲོན་གཙོ་བོར་ཆིབས་བསྒྱུར་གྱིས་༢༠༢༥ ལོའི་ནོར་གླིང་དུས་སྟོན་ཐེངས་དང་པོ་དེ་བཞིན་གཙོ་ཆེ་འདི་ལོར་༸གོང་ས་༸ལྷ་མིའི་རྣམ་འདྲེན་༸རྒྱལ་དབང་ཐམས་ཅད་མཁྱེན་ཅིང་གཟིགས་པ་ཆེན་པོ་མཆོག་དགུང་གྲངས་ ༩༠ ལ་ཕེབས་པའི་དགའ་སྟོན་གྱི་རྟེན་འབྲེལ་ལ་བོད་མིས་གཙོས་འཛམ་གླིང་ཡུལ་གྲུ་གང་ས་ནས་བྱམས་བརྩེའི་ལོར་བསྲུང་བརྩི་ཞུ་བཞིན་པ་ལྟར་འདི་ག་ནོར་གླིང་བོད་ཀྱི་རིགས་གཞུང་གཅེས་སྐྱོང་ཁང་ནས་གོ་སྟོན་བསྲུང་བརྩིའི་མཛད་སྒོའི་དབུ་བཞུགས་སུ་ཆིབས་བསྒྱུར་བཀའ་དྲིན་བསྐྱངས་སྐབས་ནོར་གླིང་འགན་འཛིན་དང་ལས་བྱེད་རྣམས་ནས་་དགའ་བསུའི་རྣམ་པས་ལག་ཟུང་དཀར་གཙང་མཇལ་དར་ཐོགས་ཏེ་ཕེབས་བསུའི་འཚམས་འདྲི་ཞུས་ཅིང་། བཞུགས་གྲལ་དུ་འཁོད་མཚམས་ནོར་གླིང་སློབ་ཕྲུག་ཁག་ཅིག་ནས་ལྷ་གཞུང་བཀྲ་ཤིས་ཞོལ་བ་གཟིགས་འབུལ་དང། ནོར་གླིང་སྡེ་ཚན་ཁག་ནས་གཞས་སྣ་གཟིགས་འབུལ་ཞུས་པར་དགྱེས་གཟིགས་མཛད། བཀའ་སློབ་གསོལ་འདེབས་ཞུ་དོན་ལྟར། ནོར་གླིང་བོད་ཀྱི་རིགས་གཞུང་གཅེས་སྐྱོང་ཁང་གི་བྱུང་རིམ་དང་། རིགས་གཞུང་ཁང་འདི་ནས་བོད་ཀྱི་སྲོལ་རྒྱུན་ལག་རྩལ་ཐོག་ལ་གཟེངས་སུ་ཐོན་པའི་ཕྱག་ལས་རླབས་ཆེ་གནང་ཡོད་པ་སོགས་ཀྱི་སྐོར་ལ་བཀའ་སློབ་སྩལ་ཅིང་དེ་བཞིན་འགྲིམས་སྟོན་ཁག་ལ་གཟིགས་ཞིབ་གནང་སྐབས་ཀྱི་སྐུ་པར།

H.E. Ling Rinpoche attended the first ever Norbulingka Festival, held to celebrate His Holiness the Dalai Lama’s 90th birthday, as the Chief Guest. The event also marked the 30th Founding Anniversary of the Norbulingka Institute.

The celebration was graced by the presence of the Supreme Justice Commissioner of the Central Tibetan Administration (CTA) and other dignitaries. H.E. Ling Rinpoche delivered a speech on the occasion.

October 23, 2025

࿑ ཕྱི་ལོ། ༢༠༢༥ ཟླ་བ། ༡༠ ཚེས། ༢༣ ཉིན་༸སྐྱབས་རྗེ་ཡོངས་འཛིན་གླིང་མཆོག་སྤྲུལ་རིན་པོ་ཆེ་མཆོག་ ནས་བོད་ཕྲུག་ཁྱིམ་སྡེ་དབུ་བརྙེས་ནས་ལོ་ངོ་༦༥ འཁོར་བའི་དུས་དྲན་གྱི་མཛད་སྒོའི་དབུ་བཞུགས་སུ་ཆིབས་བསྒྱུར་བཀའ་དྲིན་བསྐྱངས་སྐབས་དགེ་ལས་སློབ་ཕྲུག་ཡོངས་ནས་་དགའ་བསུའི་འཚམས་འདྲི་དང་། ཕེབས་བསུ་རྔ་རོལ་དབྱངས་ཀྱི་སྔོན་བསུས་བཞུགས་ཁྲིར་འཁོད་། བཀའ་སློབ་སྩལ་དོན། ཤེས་ཡོན་གྱི་གལ་གནད་དང་། སྤྱི་ཚོགས་ནང་གཟེངས་སུ་ཐོན་པའི་ཡ་རབས་བཟང་སྤྱོད་ལྡན་པའི་མི་སྣ་བསྐྱེད་སྲིངས་དགོས་རྒྱུ་དང་། གཙོ་ཆེ་ ༸གོང་ས་༸ལྷ་མིའི་རྣམ་འདྲེན་༸རྒྱལ་དབང་ཐམས་ཅད་མཁྱེན་ཅིང་གཟིགས་པ་ཆེན་པོ་མཆོག་འདི་ལོར་དགུང་གྲངས་ ༩༠ ལ་ཕེབས་པའི་དགའ་སྟོན་གྱི་རྟེན་འབྲེལ་ལ་བོད་མིས་གཙོས་འཛམ་གླིང་ཡུལ་གྲུ་གང་ས་ནས་བྱམས་བརྩེའི་ལོར་བསྲུང་བརྩི་ཞུ་བཞིན་པ་དང་། ང་རང་ཚོས་༸གོང་ས་༸མཆོག་དང་། བོད་ཁྱིམ་གྱི་བཀའ་དྲིན་དྲན་པའི་ཐོག་ནས་སློབ་གྲྭའི་སྒྲིག་ལམ་ཀུན་སྤྱོད་ལ་གུས་བརྩི་དང་། རང་དགོས་ཀྱི་སློབ་སྦྱོང་ཧུར་ཐག་གནང་དགོས་པའི་ཐོག་ལ་བཀའ་སློབ་བཀའ་དྲིན་ཆེ་སྩལ་སྐབས། །

H.E. Kyabje Yongzin Ling Rinpoche graced the 65th Founding Anniversary of Tibetan Children’s Village (TCV Upper) as the Chief Guest.

The celebration was attended by the three pillars of the Central Tibetan Administration (CTA) and other dignitaries. His Eminence Ling Rinpoche delivered a speech on the occasion.