༈ ཕྱི་ལོ། ༢༠༢༤ཟླ་བ། ༣ ཚེས། ༢ཉིན། ཤེལ་དཀར་ཆོས་སྡེའི་གྲྭ་ཚང་དུ་སློབ་མཐར་སོན་པ་རྣམས་ལ་ཕྱག་ཁྱེར་གསོལ་སྩལ་གྱི་མཛད་སྒོར་ཆིབས་བསྒྱུར་གྱིས་བཀའ་སློབ། སྤོ་རོང་དགོན་པར་ཆིབས་བསྒྱུར་གྱིས་བཀའ་ཆོས་དང་བཀའ་སློབ། བལ་ཡུལ་ཆུ་བར་འགྲོ་ཕན་གླིང་དུ་ཆིབས་བསྒྱུར་གྱིས་བཀའ་ཆོས་དང་བཀའ་སློབ། དགེ་བཤེས་བསོད་ནམས་དབང་ཆེན་གྱིས་ཆེད་འཛུགས་གནང་བའི་”རེ་བ་དང་གདོང་ལེན་ཚོགས་པར་”ཆིབས་བསྒྱུར་གྱིས་རྒྱལ་ཡུམ་ཆེན་མོ་བདེ་སྐྱིད་ཚེ་རིང་ད་ཕྲུག་བུ་གསོ་ཁང་། གཟི་སྨན་མྱོས་རྫས་རིགས་མཚམས་གཅོད་ཁང་། རྒས་གསོ་ཁང་སོགས་ལ་ཆིབས་བསྒྱུར་གྱིས་བཀའ་སློབ་དང་ས་གཞི་བྱིན་རླབས་བཅས་གནང། དེ་བཞིན་འབྲས་སྤུངས་བློ་གསལ་གླིང་བཟོ་གྲྭར་ས་གཞི་བྱིན་རླབས་དང་རབ་གནས་གནང་སྐབས་བཅས་ཀྱི་སྐུ་པར། །

On 2nd March, H.E. Ling Rinpoche visited Tinchuli and Naya Pati in Nepal, where he visited and gave talks at Rongshar Chuwa Drophen Ling Monastery, Shekhar Chode Monastery and Porang Monastery, visited the Hope and Challenge Orphanage and Elderly Home, gave advice at a Drug Rehabilitation Center, blessed the land for a new school and blessed the land for a new hotel at Loseling Monastery.

༈ ཕྱི་ལོ། ༢༠༢༤ཟླ་བ། ༣ ཚེས། ༡ ཉིན། ཡང་ལེ་ཤོད་དུ་བཞུགས་པའི་འཛམ་གླིང་གནས་མཆོག་ཉེར་བཞིའི་ནང་ཚན་རྡོ་རྗེ་རྣལ་འབྱོར་མའི་གནས་དང་། སྒྲོལ་མ་རང་བྱོན་སོགས་ལ་གནས་གཟིགས་དང་། གྲུབ་ཐོབ་དགོན་པའི་སློབ་གྲྭར་ཆིབས་བསྒྱུར་གྱིས་བཀའ་སློབ། བླ་མ་དགའ་འོང་བཀྲ་ཤིས་རབ་བརྟན་དགོན་སོགས་ལ་ཆིབས་བསྒྱུར་སྐབས་ཀྱི་བརྙན་པར། །

On 1st March 2024 H.E. Ling Rinpoche visited and gave talks at Lama Goan Tashi Rapten Monastery and Drupto Monastery School, and paid respects to the self-emanating Tara statue and other holy pilgrimage sites in Pharping, Nepal.

On 27 -29th February, H.E. Ling Rinpoche gave three days of teachings and the long life initiation of Buddha Amitayus for the monks, nuns and general public at Samten Ling Monastery in Kathmandu, organized by the Nepal Gelug Monlam Committee.

࿑ ཕྱི་ལོ་༢༠༢༤ ཟླ་བ་༢ ཚེས་༢༦ ཉིན། ༸སྐྱབས་རྗེ་ཡོངས་འཛིན་གླིང་མཆོག་སྤྲུལ་རིན་པོ་ཆེ་མཆོག་དང་། ༸སྐྱབས་རྗེ་དིལ་མགོ་མཁྱེན་བརྩེའི་ཡང་སྲིད་རིན་པོ་ཆེ་ཨུ་རྒྱན་བསྟན་འཛིན་འཇིགས་མེད་ལྷུན་གྲུབ་དཔལ་བཟང་པོ་རྣམ་གཉིས་བལ་ཡུལ་དུ་མཇལ་ཕྲད་སྐབས་ཀྱི་སྐུ་པར། །

On 26th February, H.E. Ling Rinpoche met with the reincarnation of Kyabjé Dilgo Khentse Rinpoche in Kathmandu, Nepal.

࿑ ཕྱི་ལོ་༢༠༢༤ ཟླ་བ་༢ ཚེས་༢༦ ཉིན།
བལ་ཡུལ་ཀོ་པན་བཙུན་དགོན་མཁའ་སྤྱོད་དགའ་འཁྱིལ་གླིང་དུ་ཆིབས་བསྒྱུར་སྐབས་བརྟན་བཞུགས་འབུལ་བཞེས་དང་བཀའ་སློབ་བཀའ་དྲིན་སྩལ་གནང་མཛད་ཅིང་་། དེའི་རྗེས་ཞེ་ཆེན་དགོན་པར་ཆིབས་བསྒྱུར། བལ་ཡུལ་སྐྱིད་གྲོང་བསམ་གཏན་གླིང་དུ་ཞབས་སོར་འཁོད་སྐབས་བཅས་ཀྱི་བརྙན་པར། །

On 26th February H.E. Ling Rinpoche visited and gave a talk at Kopan’s Khachoe Gakhil Ling Nunnery and visited Shechen Monastery, where Rinpoche met with Dilgo Khentse Yangsi Rinpoche. Later Rinpoche arrived to a warm welcome ceremony at Samten Ling Monastery in Boudha.

࿑ ཕྱི་ལོ་༢༠༢༤ ཟླ་བ་༣ ཚེས་ ༡ ཉིན། ༸སྐྱབས་རྗེ་ཡོངས་འཛིན་གླིང་མཆོག་སྤྲུལ་རིན་པོ་ཆེ་མཆོག་དང་། ༸སྐྱབས་རྗེ་ཞྭ་དེའུ་འཁྲུལ་ཞིག་རིན་པོ་ཆེའི་མཆོག་གི་ཡང་སྤྲུལ་ངག་དབང་བསྟན་འཛིན་ཆོས་ཀྱི་བློ་གྲོས་རབ་གསལ་རྣམ་གཉིས་བལ་ཡུལ་དུ་མཇལ་ཕྲད་སྐབས་ཀྱི་སྐུ་པར། །

On 26th February, H.E. Ling Rinpoche met with the reincarnation of Trulshik Rinpoche Ngawang Tenzin Choekyi Lodo Rabsel in Kathmandu, Nepal.

On 24th February, H.E. Ling Rinpoche sends his best wishes and prayers to all, on this very auspicious day of Chötrul Düchen - the Day of Miracles. The first 15 days of the Tibetan New Year commemorate the time when Shakyamuni Buddha displayed his power by performing a number of miracles.

࿑ ཕྱི་ལོ།༢༠༢༤ཟླ་བ། ༢ ཚེས། ༢༣ ཉིན། བལ་ཡུལ་དགེ་ལྡན་ལྷན་ཚོགས་ཀྱིས་གོ་སྒྲིག་འོག་དགེ་ལུགས་རྒྱུགས་སྤྲོད་གཙོ་གྱུར་གྱི་སློབ་མཐར་སོན་པ་རྣམས་ལ་བཀའ་སློབ་དང་ཕྱག་ཁྱེར་གསོལ་སྩལ་གྱི་མཛད་སྒོར་ཆིབས་བསྒྱུར་སྐབས་ཀྱི་སྐུ་པར། །

On 23rd February, H.E. Ling Rinpoche presented certificates to many successful graduates of the Gelug examinations, during the Nepal Gelug Monlam, at Kopan Monastery.

ཆོ་འཕྲུལ་སྨོན་ལམ་ཆེན་མོ།
སྟོན་པ་ཤཱཀྱ་མུ་ནེས་རྒྱ་གར་གྱི་གྲོང་ཁྱེར་ཆེན་པོ་གཉན་ཡོད་ཅེས་བྱ་བའི་ཡུལ་དུ་མུ་སྟེགས་པའི་སྟོན་པ་དྲུག་དང་རྫུ་འཕྲུལ་འགྲན་ནས་སྟོན་པ་དྲུག་འཁོར་དང་བཅས་པ་ཚར་བཅད་དེ་རྣམ་པར་རྒྱལ་བའི་རྗེས་དྲན་དུ་ཆོ་འཕྲུལ་མཆོད་པའི་དུས་སྟོན་ཆེན་མོ་གནང་སྲོལ་ཡོད་པ་བཞིན། བོད་ཁ་བ་གངས་ཅན་གྱི་ལྗོངས་སུའང་འཇམ་མགོན་ཆོས་ཀྱི་རྒྱལ་པོ་ཙོང་ཁ་པ་ཆེན་པོས་ལོ་ངོ་དྲུག་བརྒྱ་ལྷག་གི་སྔོན་དུ་བོད་ཀྱི་རྒྱལ་ས་ལྷ་སའི་གཙུག་ལག་ཁང་དུ་གདན་ས་ཆེན་པོ་སེར་འབྲས་དགའ་གསུམ་གཙོ་བོར་གྱུར་པའི་ཕྱོགས་མཐའ་ནས་འདུས་པའི་དགེ་འདུན་ཉིས་ཁྲི་ནས་སུམ་ཁྲི་བར་འཚོགས་ཏེ་འདུས་ཚོགས་སུ་བསྙེན་བཀུར་མཆོད་སྤྲིན་འབུལ་གཤོམ་དང་འབྲེལ་ཉིན་མཚན་ཀུན་ཏུ་ཆོས་སྒྲ་ཆག་མེད་དུ་སྒྲོག་པའི་སྲོལ་གཏོད་མཛད་ནས་བཟུང་ལྷ་ལྡན་སྨོན་ལམ་ཆེན་མོར་འཚུགས་སྲོལ་བྱུང་བ་བཞིན་༸རྒྱལ་དབང་སྐུ་ཕྲེང་བཅུ་བཞི་པ་ཆེན་པོ་མཆོག་རྒྱ་གར་དུ་ཆིབས་བསྒྱུར་གནང་རྗེས་གདན་ས་ཁག་དང་། གནས་མཆོག་རྡོ་རྗེ་གདན་། བཞུགས་སྒར་དྷ་རམ་ས་ལ་དེ་བཞིན་བལ་ཡུལ་བཅས་ལ་ཡང་སྨོན་ལམ་ཆེན་མོ་སྔར་རྒྱུན་བཞིན་གནང་སྲོལ་མཆིས། ད་ལན་ཡང་འཇམ་མགོན་བསྟན་པའི་སྲོག་ཤིང་༧སྐྱབས་རྗེ་ཡོངས་འཛིན་གླིང་མཆོག་སྤྲུལ་རིན་པོ་ཆེ་མཆོག་བལ་ཡུལ་སྨོན་ལམ་ཆེན་མོའི་དབུ་བཞུགས་སུ་ཆིབས་བསྒྱུར་སྐབས་སྤྱན་རྒྱ་སྤོས་སྣེས་སྔོན་བསུས་ཏེ་བཞུགས་ཁྲིར་འཁོད་རྗེས་སྐྱེས་རབས་གསུང་ཆོས་ཐོག་མར་སྨོན་ལམ་ཆེན་མོའི་བྱུང་རིམ་སྐོར་ལ་བཀའ་སློབ་ཟབ་རྒྱས་གནང་ཞིང་། ཉིན་རྒྱབ་སྨོན་ལམ་དངོས་གཞིར་དབུ་བཞུགས་ཐོག་བསྔོ་བ་དང་བསྟན་འབར་མ་བདེ་སྨོན་བཅས་གསུང་གནང་མཛད་ཅིང་རྒྱལ་བའི་ལུང་རྟོགས་ཀྱི་བསྟན་པ་རིན་པོ་ཆེ་ཕྱོགས་དུས་གནས་སྐབས་ཐམས་ཅད་དུ་དར་ཞིང་རྒྱས་ལ་ཡུན་རིང་དུ་གནས་པ། དེ་འཛིན་བསྟན་པའི་སྲོལ་འཛིན་ཆེན་པོ་གང་ན་སུ་བཞུགས་པ་རྣམས་གདུལ་བྱའི་དོན་དུ་བསྐལ་པ་རབ་འབྱམས་ཞིང་གི་རྡུལ་སྙེད་དུ་འཚོ་ཞིང་བཞེས་པ། བསྟན་འཛིན་ཀུན་གྱི་གཙུག་ནོར་འཕགས་མཆོག་འཇིག་རྟེན་གསུམ་མགོན་་ངུར་སྨྲིག་གར་གྱི་རྣམ་པར་རོལ་བ་༸གོང་ས་༸སྐྱབས་མགོན་༸རྒྱལ་དབང་ཐམས་ཅད་མཁྱེན་ཅིང་གཟིགས་པ་ཆེན་པོ་མཆོག་སྐུ་ཚེ་ཞབས་པད་བསྐལ་བརྒྱུར་བརྟན་ཅིང་ཐུགས་ཀྱི་བཞེད་དགོངས་ལྷུན་གྱི་འགྲུབ་པ་དང་། སྐྱེ་རྒུ་མཐའ་དག་གནས་སྐབས་རྫོགས་ལྡན་ཕན་བདེའི་དགའ་སྟོན་ལ་ལོངས་སྤྱོད་ཅིང་། རིང་པོར་མི་ཐོགས་པར་བྱང་ཆུབ་སྙིང་པོའི་གོ་འཕང་ལ་བདེ་བླག་ཏུ་རེག་པའི་རྒྱུར་འགྱུར་བ་བཅས་ཀྱི་སྨོན་ལམ་མཛད།།

On 21st February, H.E. Ling Rinpoche gave Jataka teachings on the first day of Nepal’s 32nd Gelug Monlam, which is being held at Kopan Monastery. Je Tsongkhapa established the Monlam 615 years ago during the 15 Day of Miracles, which has been continued in the Gelug tradition to the present day.

࿑ ཕྱི་ལོ།༢༠༢༤ཟླ་བ། ༢ ཚེས། ༡༨ ཉིན། ༸སྐྱབས་རྗེ་ཡོངས་འཛིན་གླིང་མཆོག་སྤྲུལ་རིན་པོ་ཆེ་མཆོག་བལ་ཡུལ་དགེ་ལྡན་ཆོ་འཕྲུལ་སྨོན་ལམ་ཚོགས་པས་གདན་ཞུའི་གསོལ་འདེབས་ཞུ་དོན་ལྟར་བལ་ཡུལ་ཀ་ཐ་མན་གྲུ་རྒྱལ་སྤྱིའི་གནམ་ཐང་དུ་ཞབས་སོར་འཁོད་སྐབས་བལ་གཞུང་དགོན་པ་ཡར་རྒྱས་ཚོགས་པའི་ཚོགས་གཙོ་དང་། བལ་ཡུལ་དགེ་ལྡན་ལྷན་ཚོགས། སྐྱིད་གྲོང་བསམ་གཏན་གླིང་། ཀོ་པན་འོག་མིན་བྱང་ཆུབ་ཆོས་གླིང་དགོན། ཤེལ་དཀར་ཆོས་སྡེ་དགའ་ལྡན་ལེགས་བཤད་གླིང་། ཤྲཱི་ཆུ་བཟང་བསམ་གཏན་ཡང་རྩེ་དགོན། ཆུ་དབར་འགྲོ་ཕན་གླིང་། སྒོ་སོག་ཕུན་ཚོགས་ཆོས་གླིང་དགོན། དགའ་ལྡན་བྱམས་མགོན་གླིང་། གྲུབ་དགོན་ཐུགས་རྗེ་ཆོས་གླིང་། ཀོ་པན་བཙུན་དགོན་མཁའ་སྤྱོད་དགའ་འཁྱིལ་གླིང་། བཙུན་དགོན་ཐུགས་རྗེ་ཆོས་གླིང་། བལ་ཡུལ་བླ་མ་དགོན། རོང་ཤར་ཆུ་དབར་དགའ་ལྡན་འགྲོ་ཕན་གླིང་སོགས་དགོན་པ་ཁག་དང་། བལ་ཡུལ་ལྷ་ལྡན་སྨོན་ལམ་ཆེན་མོའི་ཚོགས་གཙོ་དང་ཚོགས་གཞོན། དེ་བཞིན་དགོན་པ་ཁག་གི་མཁན་རིན་པོ་ཆེ་དང་། ཕྱག་མཛོད། དགེ་འདུན་པ་དང་མི་དམངས་བཅས་ནས་ཕེབས་བསུའི་སྣེ་ལེན་གཟབ་རྒྱས་དང་། དེ་རྗེས་ཀོ་པན་འོག་མིན་བྱང་ཆུབ་ཆོས་གླིང་དགོན་དུ་ཕེབས་གདོང་མཛད་སྒོའི་སྐབས་ཀྱི་སྐུ་པར།།

On 17th February, H.E. Ling Rinpoche arrived to a very warm welcome yesterday at Kathmandu International Airport in Nepal, where he was greeted by Abbots, administrators and monks from 12 local monasteries and nunneries, along with members of the public. Rinpoche was offered another warm welcome ceremony at Kopan Monastery, which was also attended by representatives of other local monasteries. Rinpoche visited and paid respects to Kyabjé Lama Zopa Rinpoche's holy body.