News
May 2023
May 31, 2023
31
࿑ ཕྱི་ལོ། ༢༠༢༣ ཟླ་བ། ༥ ཚེས། ༣༡ ཉིན། ༸སྐྱབས་རྗེ་ཡོངས་འཛིན་གླིང་མཆོག་སྤྲུལ་རིན་པོ་ཆེ་མཆོག་ནས་ཧྥ་རན་སིའི་དད་ལྡན་བོད་རིགས་གཙོ་གྱུར་གྱི་ཕྱི་རྒྱལ་མི་རིགས་རྣམས་ལ་གྲུབ་རྒྱལ་ལུགས་ཀྱི་ཚེ་དབང་བཀའ་དྲིན་ཆེ་སྩོལ་མཛད་ཅིང་། འཇུག་ཏུ་བོད་རིགས་ཚོར་བཀའ་སློབ་སྩལ་དོན་སྤྱིར་ན་འཛམ་གླིང་ཡུལ་གྲུ་གང་སར་རང་རིགས་མང་པོ་ཞིག་ལོ་རེ་བཞིན་ཇེ་མང་དུ་འགྲོ་གི་ཡོད་ལ་ལྷག་དོན་ཧྥ་རན་སིའི་ནང་བོད་རིགས་གྲངས་འབོར་ཤིན་ཏུ་མང་ཞིང་ལུང་པ་འདི་རིགས་གཞུང་གི་ཆ་ནས་གལ་ཆེན་པོ་ཆགས་ཀྱི་ཡོད། དེ་འདྲས་ལུང་པ་ཕུན་སུམ་ཚོགས་པའི་ནང་ལ་བོད་རིགས་སྤུན་ཟླ་མང་པོ་འདི་འདྲས་ཡོད་པ་དངོས་གནས་སྤོབས་པ་སྐྱེ་འོས་པ་ཞིག་རེད། ས་གནས་གང་དུ་སླེབས་ཀྱང་སོ་སོའི་མི་རིགས་ཀྱི་ངོ་བོ་མ་བརླག་པ་བྱེད་དགོས་པ་མ་ཟད། བོད་ཀྱི་ཆོས་དང་རིགས་གཞུང་མི་ཉམས་རྒྱུན་གནས་ཡོང་བར་འབད་བརྩོན་གནང་དགོས། རིགས་གཞུང་གི་རྩ་བ་སྐད་ཡིག་ལ་ཐུག་པས་ཕྱི་རྒྱལ་ལུང་པའི་ནང་ད་ལྟའི་འཆར་རྒྱ་བལ་འབྲུག་གསུམ་བཞིན་དུ་བོད་པའི་སློབ་གྲྭ་ཟུར་དུ་མེད་ནའང
མ་འོངས་པར་ཡོང་སྲིད་པ་ཞིག་རེད། འདི་གར་གཟའ་འཇུག་སློབ་གྲྭའི་ནང་བོད་ཡིག་དང་། ཆོས་དང་རིགས་གཞུང་ངོ་སྤྲོད་དང་སྦྱངས་བརྩོན་བྱས་ནས་ཕན་ཐོགས་ཡོང་དང་ཡོང་བཞིན་པ་ཡིན་ཀྱང་གཙོ་བོ་ནང་ལ་ཕ་མ་ཚོས་ངེས་པར་བོད་སྐད་ཤོད་དགོས་ལ་བོད་མིའི་ཡ་རབས་བཟང་སྤྱོད་ཀྱི་གཤིས་བཟང་རྒྱུན་འཇགས་ཡོང་གནས་སྐོར་ལ་བསླབ་བྱ་རྒྱབ་དགོས། བོད་པ་ག་ཚོད་མང་པ་ཡོད་པ་དེའི་ཚོད་ཀྱི་ས་ཁུལ་དེ་གལ་ཆེན་པོ་ཆགས་ཀྱི་ཡོད་ཚང་མས་ཁུར་མཉམ་ལེན་ཐོག་༸རྒྱལ་དབང་ཐམས་ཅད་མཁྱེན་ཅིང་གཟིགས་པ་ཆེན་པོ་མཆོག་གི་ཞལ་སྔ་ནས་ཆོས་སྲིད་ཀྱི་ཐོག་ལ་བཀའ་སློབ་རབ་དང་རིམ་པ་སྩལ་ཡོད་པ་དེ་དག་ཐུགས་ལ་བཞག་ནས་ནང་ཁུལ་འཆམ་མཐུན་དང་བོད་མི་རིགས་ཀྱི་ངོ་བོ་མ་བརླག་པ་གནང་རོགས་ཞེས་འབོད་བསྐུལ་ཞུ་རྒྱུ་ཡིན་ཞེས་གསུངས།།
On 31st May, H.E. Ling Rinpoche bestowed a Buddha Amitayus Long Life (Tsewang) initiation and gave advice to a large gathering of Tibetans in France.
May 30, 2023
30
࿑ ཕྱི་ལོ། ༢༠༢༣ ཟླ་བ། ༥ ཚེས། ༣༠ ཉིན། ་༸སྐྱབས་རྗེ་ཡོངས་འཛིན་གླིང་མཆོག་སྤྲུལ་རིན་པོ་ཆེ་མཆོག་ཧྥ་རན་སིའི་གྲོས་ཚོགས་གོང་མར་ཆིབས་བསྒྱུར་བསྐྱངས་ཏེ་འབྲེལ་ཡོད་བོད་དོན་རྒྱབ་སྐྱོར་ཚོགས་པའི་གྲོས་ཚོགས་འཐུས་མི་ཚོགས་གཙོ་ལྕམ་(Senator Jacqueline Eustache-Brinio)མཆོག་གི་གཙོས་ཕྱག་རོགས་གྲོས་ཚོགས་འཐུས་མི་གཞན་རྣམས་དང་མཇལ་འཕྲད་ཀྱིས་ཧྥ་རན་སི་ནང་བོད་དོན་རྒྱབ་སྐྱོར་ཤུགས་ཆེར་གནང་བཞིན་པར་་ཐུགས་རྗེ་ཆེ་ཞུས་ཅིང་། ད་དུང་མུ་མཐུད་གནང་བར་ཞེན་བསྐུལ་མཛད། ད་ལྟའི་བོད་ནང་གི་གནས་སྟངས་ཧ་ཅང་གི་ཛ་དྲག་ཡིན་པ་མཁྱེན་གསལ་ལྟར་ཇི་སྲིད་བོད་དང་རྒྱ་ནག་གི་བར་གྱི་ཆབ་སྲིད་ཀྱི་དཀའ་རྙོག་དེ་ཞི་བའི་སྒོ་ནས་མ་སེལ་བར་དེ་སྲིད་དུ་ཧྥ་རན་སི་གཙོས་ཡུ་རོབ་རྒྱལ་ཁབ་གཞན་རྣམས་ཀྱིས་བོད་དོན་ཐོག་གང་ཅི་ཐད་ནས་རྒྱབ་སྐྱོར་མུ་མཐུད་གནང་རྒྱུ་འབོད་སྐུལ་ཞུས་ཅིང་ཁོང་རྣམ་པའི་ངོས་ནས་ཀྱང་བོད་ཀྱི་གནད་དོན་ནི་འཛམ་གླིང་གི་སྤྱིའི་ཁོར་ཡུག་དང་ཧ་ཅང་གི་འབྲེལ་བ་ཆེན་པོ་ཡོད་པ་ངོས་འཛིན་ཐོབ་པས་མ་འོངས་པར་ཁོར་ཡུག་གི་བྱ་བཞག་ནང་བོད་དོན་ཐོག་དམིགས་བསལ་ལས་གཞི་གོ་སྒྲིག་བྱ་རྒྱུ་ཡིན་ཞེས་ཞལ་བཞེས་མཛད། ༸སྐྱབས་རྗེམཆོག་སྤྲུལ་རིན་པོ་ཆེ་མཆོག་ནས་བོད་དོན་ཆེད་་བདེན་པའི་རྒྱབ་ལངས་སྔར་ལས་ལྷག་པ་གནང་སྐྱོང་བའི་འབོད་བསྐུལ་ཞུ་གནང་མཛད་སྐབས་་ཀྱི་སྐུ་པར།།
On 30th May, H.E. Ling Rinpoche was invited to visit the French Parliamentary Senate where he met with Senators from the French Tibet Support Group, Senator Jacqueline Eustache-Brinio (President), Senator Josephe Elsa and Senator Jacquemet Annick. Rinpoche was accompanied by Thupten Gyatso (Tibetan Parliamentarian). Rinpoche discussed many important Tibetan issues with the group.
May 27, 2023
27
࿑ ཕྱི་ལོ། ༢༠༢༣ ཟླ་བ། ༥ ཚེས། ༢༥ ནས་ཚེས་༢༨བར་་༸སྐྱབས་རྗེ་ཡོངས་འཛིན་གླིང་མཆོག་སྤྲུལ་རིན་པོ་ཆེ་མཆོག་ནས་ཕ་རན་སི་རྒྱལ་ས་པི་རི་སའི་ཉེ་འགྲམ་སུ་ཆགས་པའི་དྭགས་ཤངས་བཀའ་བརྒྱུད་ཀྱི་ཆོས་ཚོགས་ཝ་་ཇ་དྷ་ར་གླིང་དུ་ཇོ་བོ་རྗེ་དཔལ་ལྡན་ཨ་ཏི་ཤའི་གསུང་བྱང་ཆུབ་སེམས་དཔའ་ནོར་བུའི་ཕྲེང་བའི་བཀའ་ཆོས་་སྩལ་སྐབས་ཀྱི་སྐུ་པར།།
On 27-28th May, H.E. Ling Rinpoche taught the Bodhisattva’s Jewel Garland by Atisha Dipamkara at Dachang Vajradhara Ling in Normandy, France.
May 25, 2023
25
࿑ ཕྱི་ལོ། ༢༠༢༣ ཟླ་བ། ༥ ཚེས། ༢༥ ཉིན་༸སྐྱབས་རྗེ་ཡོངས་འཛིན་གླིང་མཆོག་སྤྲུལ་རིན་པོ་ཆེ་མཆོག་ཕ་རན་སིར་ཆིབས་བསྒྱུར་སྐབས་ཕ་རན་སིའི་རྒྱལ་སྤྱིའི་གནམ་ཐང་དུ་སྦེལ་ཇམ་བོད་ཀྱི་སྐུ་ཚབ་དོན་གཅོད་མཆོག་དང་། ཡུ་རོབ་བོད་མི་དམངས་སྤྱི་འཐུས་མཆོག། ཕ་རན་སི་བོད་རིགས་ཚོགས་གཙོ། ཕ་རན་སི་བོད་ཀྱི་འབྲེལ་འཐུད་པ། དེ་བཞིན་ཆོས་ཚོགས་ཁག་གི་འགན་འཛིན་རྣམས་ནས་ཕེབས་བསུ་སྣེ་ལེན་ཞུ་སྐབས་ཀྱི་སྐུ་པར།
On 25th May, H.E. Ling Rinpoche arrived in Paris, France and was warmly welcomed by the Representative of the Office of Tibet in Brussels, the Assembly Member for Europe for the Tibetan Parliament (CTA), the CTA Liaison Officer for France, the President of the Tibetan community in France, and representatives of the hosting Dharma centers.
May 17, 2023
17
࿑ ཕྱི་ལོ། ༢༠༢༣ ཟླ་བ། ༥ ཚེས། ༡༧ ནས། ཚེས། ༢༥ བར། ༸སྐྱབས་རྗེ་ཡོངས་འཛིན་གླིང་མཆོག་སྤྲུལ་རིན་པོ་ཆེ་མཆོག་ནས་སི་པིན་གྱི་གྲོང་ཁྱེར་གྷར་ན་དྷ་ཡོད་པའི་ཀླུ་སྒྲུབ་ཆོས་ཚོགས་དང་། འོད་གསལ་གླིང་། སྦ་སུ་ལོ་ནར་རྟེན་གཞི་བྱས་པའི་བོད་ཁང་། ཏཱ་ར་ཆོས་ཚོགས་བཅས་སུ་བཀའ་དབང་དང་། བཀའ་ཆོས་སོགས་བཀའ་དྲིན་ཆེ་སྩོལ་དང་། དེ་བཞིན་བོད་རིགས་དང་། སོག་རིགས་རྣམས་ལ་ཟུར་དུ་མཇལ་ཁ་དང་དམིགས་བསལ་བཀའ་སློབ་བཅས་ད་ལན་སི་པིན་ནང་དུ་མཛད་འཕྲིན་ལེགས་པར་གྲུབ་པའི་སྐབས་ཀྱི་བརྙན་ཐུང་།།
During 17-25th May, H.E. Ling Rinpoche visited Granada and Barcelona, Spain, where Rinpoche met with the local Tibetan Community and gave several LamRim teachings and initiations at Granada’s Nagarjuna C.E.T. Granada – FPMT and Osel Ling Centro de Retiros – FPMT and then Barcelona’s Casa del Tibet and Tara Centre.
May 9, 2023
09
࿑ ཕྱི་ལོ། ༢༠༢༣ ཟླ་བ། ༥ ཚེས། ༡༡ ནས། ཚེས། ༡༦ བར། ༸སྐྱབས་རྗེ་ཡོངས་འཛིན་གླིང་མཆོག་སྤྲུལ་རིན་པོ་ཆེ་མཆོག་ནས་སི་པིན་གྱི་རྒྱལ་ས་མ་ཌིར་དང་། གྲོང་ཁྱེར་འབིལ་བྷའོ་བཅས་སུ་ཆོས་ཚོགས་ཁག་ལ་བཀའ་དབང་དང་། བཀའ་ཆོས་སོགས་བཀའ་དྲིན་ཆེ་སྩོལ་བཅས་ད་ལན་གྱི་མཛད་འཕྲིན་ལེགས་པར་གྲུབ་པའི་སྐབས་ཀྱི་སྐུ་པར།།
H.E. Ling Rinpoche’s European tour continued in Spain with visits to Madrid and Bilbao, where Rinpoche taught over several days during 9-14th May on the 8 Verses of Training the Mind and the Bodhisattva’s Jewel Garland, and conferred the Vajrasattva and Je Rig Sum Chig Thus (Chenrezig, Manjushri & Vajrapani) initiations at three centers, Centro Budista Jardín de la Compasión, Centro Nagarjuna Madrid – FPMT and Centro La Sabiduría de Nagarjuna – FPMT, who organized the visit.
May 6, 2023
06
࿑ ཕྱི་ལོ། ༢༠༢༣ ཟླ་བ། ༥ ཚེས། ༤ ནས། ཚེས། ༩ བར། ༸སྐྱབས་རྗེ་ཡོངས་འཛིན་གླིང་མཆོག་སྤྲུལ་རིན་པོ་ཆེ་མཆོག་ནས་འཇར་མན་གྱི་རྒྱལ་ས་བྷར་ལེན་གྱི་གྲོང་ཁྱེར་ནང་གི་དྷརྨ་མ་ཏི་རིག་པ་ཆོས་ཚོགས་སུ་ཤེས་རབ་སྙིང་པོའི་བཀའ་ཁྲིད་དང་། འཇམ་དབྱངས་དམར་སེར་གྱི་བཀའ་དབང་ཆེ་སྩོལ་མཛད་། དེ་བཞིན་བོད་རིགས་རྣམས་ལ་ཟུར་དུ་དམིགས་བསལ་བཀའ་སློབ་དང་། གཟུངས་སྔགས་འགའ་ཞིག་གི་ལྗགས་ལུང་བཅས་བཀའ་དྲིན་ཆེ་སྩོལ་བཅས་ས་གནས་འདིར་ད་ལན་གྱི་མཛད་འཕྲིན་ལེགས་པར་གྲུབ་པའི་བརྙན་ཐུང་།
On 6th and 7th May, H.E. Ling Rinpoche gave two days of teachings on Prajnaparamita and bestowed the Orange Manjushri initiation at Dharma Mati (Rigpa) in Berlin, Germany. Rinpoche also held a special meeting and talk with the Tibetan Community in Germany and later visited a hospice near Berlin.
May 5, 2023
05
On May 5th, H.E. Ling Rinpoche sends greetings to all for a Happy Vesak from Berlin!
Today is celebrated in the Elders’ lineage as the holy anniversary of the incomparable Lord Buddha’s birth, enlightenment, and parinirvana. It is a precious opportunity for followers of the Buddhist teachings to engage in virtue, abandon negativity and strive in taming the mind, with a vast altruistic motivation, through recalling the story of Lord Buddha’s life and his exalted activities.
We should all make efforts to engage in activities that benefit others with a thought of heartfelt compassion.
H.E. Ling Rinpoche prays for all virtuous activities on this auspicious day to bear fruit and for all pure prayers to be swiftly accomplished. May all beings everywhere be free from suffering and attain the perfect peace and happiness of enlightenment.
April 2023
April 29, 2023
29
࿑ ཕྱི་ལོ། ༢༠༢༣ ཟླ་བ། ༤ ཚེས། ༢༦ ནས། ཚེས། ༣༠ བར། ༸སྐྱབས་རྗེ་ཡོངས་འཛིན་གླིང་མཆོག་སྤྲུལ་རིན་པོ་ཆེ་མཆོག་ལ་འཇར་མི་ནི་མུ་ནིག་གྲོང་ཁྱེར་ནང་གི འཕགས་མ་སྒྲོལ་མའི་ཆོས་ཚོགས་ནས་ཇི་ལྟར་གསོལ་འདེབས་ཞུ་དོན་ལྟར་བློ་སྦྱོང་གི་བཀའ་ཁྲིད་དང་། སྐྱབས་འགྲོ་དང་དགེ་བསྙེན་གྱི་སྡོམ་པ་འབོག་ཆོག། སྒྲོལ་དཀར་ཡིད་བཞིན་འཁོར་ལོའི་ཚེ་དབང་དང་། བོད་རིགས་དང་ས་གནས་ཕྲུ་གུ་དང་། གཞོན་སྐྱེས་རྣམས་ལ་ཟུར་དུ་དམིགས་བསལ་བཀའ་སློབ་དང་། གང་བློ་མའི་ལྗགས་ལུང་བཅས་བཀའ་དྲིན་ཆེ་སྩོལ་སྐབས་ཀྱི་མཛད་འཕྲིན་ལེགས་པར་གྲུབ་པའི་བརྙན་ཐུང་།
On 29 and 30th April, H.E. Ling Rinpoche gave teachings on the 8 Verses of Thought Transformation, conferred a White Tara Long Life (Tsewang) Initiation, gave Refuge & Upasaka/Upasika Vows and had a special meeting with Tibetan and other local children in Munich, Germany, hosted by Aryatara Institut – FPMT. Rinpoche also gave a teaching on the Precious Human Rebirth at Tara Mandala in Landau an der Isar on 1st May.
April 21, 2023
21
࿑ ཕྱི་ལོ། ༢༠༢༣ ཟླ་བ། ༤ ཚེས། ༢༡ ཉིན་རྒྱ་གར་གྱི་རྒྱལ་ས་དྷི་ལིར་འཛམ་གླིང་རྒྱལ་སྤྱིའི་ནང་པའི་ལྷན་ཚོགས་ཀྱི་ཉིན་མཐའ་མའི་འཇུག་སྡོམ་མཛད་སྒོར་རྒྱ་གར་དབུས་གཞུང་རིགས་གཞུང་བློན་ཆེན་མཆོག་མཛད་སྒོའི་ཐོག་མཉམ་བཞུགས་ཐོག་༸སྐྱབས་རྗེ་ཡོངས་འཛིན་གླིང་མཆོག་སྤྲུལ་རིན་པོ་ཆེ་མཆོག་ནས་ཉིན་གཉིས་རིང་ལྷན་ཚོགས་ཀྱི་བརྗོད་བྱ་ཕྱོགས་བསྡོམས་ཀྱི་དེ་འབྲེལ་སྐོར་བཀའ་སློབ་ཆེ་སྩོལ་མཛད་སྐབས་ཀྱི་སྐུ་པར།
On 21st April, H.E. Ling Rinpoche delivered a speech during the valedictory session at the successful conclusion of the first Global Buddhist Summit in Delhi, organized by the Ministry of Culture, Government of India and International Buddhist Confederation (IBC).